Do 21 ao 23 de marzo a cidade de Ourense acollerá a I Conferencia de presidentes de gobernos provinciais de España. O encontro, pronovido pola Deputación ourensá e pola Fundación Democracia e Goberno Local, inaugurábase na tarde do día 21 no Centro Cultural “Marcos Valcárcel” da Deputación de Ourense coa presenza de preto de 30 responsables de gobernos provinciais
Na xornada inaugural, o presidente anfitrión, Manuel Baltar, destacou “a necesidade de reformar o funcionamento e competencias das administracións públicas e os proxectos lexislativos, así como de mellorar o coñecemento que ten a cidadanía da realidade dos gobernos provinciais”. Ademais o presidente da Deputación de Ourense resaltou que o obxectivo desta conferencia “é facer oír a voz das deputacións dun modo o máis unitario posible sobre propostas nas que predomine o consenso. Unha oportunidade para transmitir á cidadanía catro mensaxes claros sobre os que cimentar o futuro: modernidade, eficacia, transparencia e achegamento”.
De seguido estaba prevista unha conferencia maxistral a cargo de Santiago Muñoz Machado, catedrático de Dereito Administrativo da Universidade Complutense e membro da Real Academia Española.
O programa proseguirá o sábado día 22 a partir das dez da mañá con sesións de traballo e presentacións de relatorios no Hotel Balneario Laias Caldaria de Cenlle e o encontro clausurase na mañá do 23 de marzo cun acto no Teatro Principal de Ourense.
Texto: O Sil/Redacción
