A feira do ano en Fontei, con pasarrúas a cargo da Banda de Música de Noia, abrirá mañá o programa das festas de verán na Rúa, que se estenderán ata o luns 11 de agosto, festivo local.
A noite do 7 de agosto estará marcada por un novo encontro de “pinchadiscos” na rúa Doutor Vila e ao día seguinte, venres 8 de agosto, haberá unha triple cita musical na praza da Estación: Los Broders, Fanfarria Takicardia e Skarnivals.
O sábado 9 de agosto, o baile correrá a cargo da orquestra Marbella que tocará en sesión de tarde e verbena, mentres que o domingo día 10 será a orquestra da Televisión a que amenice musicalmente a xornada. O prato forte chegará o luns 11 de agosto co espectáculo de París de Noia.
Xunto ao apartado musical, a programación complétase cos torneos de tenis, pádel e golf rústico, e actividades para os máis pequenos, no vello campo de fútbol do Aguillón o domingo, e nas piscinas municipais o luns.
Máis información na edición en papel do Periódico O Sil.
