Vitorias con autoridade

Iván F. e Xiana C. do CC Maceda, líderes no ranking galego de ciclocross

XianaenBoiro

Decembro foi un mes moi intenso para o CC Maceda que comezaba participando nas probas do calendario galego de ciclocross desputadas en Boiro e Mosende (O Porriño). Na primeira, o ciclista macedán Iván Feijóo que conta as súas participacións en probas galegas por vitorias, vencía con autoridade en cadetes, nunha carreira que xa dominaba dende a segunda volta. Xiana Conde pola súa banda, impoñíase en júniors sendo 3ª na xeral absoluta de féminas.

Ao día seguinte, Iván e Xiana volvían gañar nas súas respectivas categorías na XXXVII edición do Trofeo Horacio Barros, proba coñecida como a “catedral do ciclocross galego” celebrada na localidade porriñesa de Mosende.

Unha semana máis tarde, o 14 de decembro tocáballe o turno ao VI Ciclocross Castelo de Maceda, outra proba do calendario galego, organizada polo propio club ciclista que contou con case 150 participantes chegados de Galicia, Asturias, Zamora e Portugal. Os vencedores absolutos da proba foron Paulo González (CC Salvaterra) e Chus Barros (CC Spol), aínda que tamén tiveron unha actuación destacada os membros do club anfitrión que conseguían ata 5 podios, destacando as vitorias de Xiana Conde en júniors e Iván Feijóo en cadetes.

“Tanto Xiana como Iván refrendaban así a boa tempada que están a realizar, afianzándose como líderes do ranking galego de ciclocross nas súas respectivas categorías” explican dende o club. Na proba destacaron tamén os resultados de Román Saa, terceiro en cadetes, Raúl González segundo en júniors e José Manuel González terceiro en master 50. Saúl López quedaba ás portas do podio en sub 23.

Texto: O Sil/Redacción Ourense

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies