EconomíaEconomíaÚltima hora

Xornadas sobre experiencias turísticas en Ourense

O Ministerio de Industria, Enerxía e Turismo amosaba as posibilidades da comercialización online do turismo de natureza na provincia a través de www.spain.info
Asistentes á xornada  celebrada no Centro Cultural da Deputación./ Foto: Carlos G. Hervella.
Asistentes á xornada celebrada no Centro Cultural da Deputación./ Foto: Carlos G. Hervella.

Axudar aos empresarios turísticos da provincia de Ourense a impulsar a creación de experiencias turísticas de natureza para a súa comercialización a través do portal oficial de turismo de España www.spain.info. Este era o obxectivo da xornada que se desenvolvía na mañá do 23 de setembro no Centro Cultural da Deputación de Ourense.

No seu decurso dábanse a coñecer as condicións e requisitos para poder incluír o produto ou servizo en www.spain.info. E ademais expoñíanse casos de éxito e exemplos de experiencias turísticas innovadoras e singulares.

A xornada foi inaugurada polo presidente da Deputación de Ourense, Manuel Baltar Blanco, quen sinalaba que esta iniciativa “contribuirá a potenciar o turismo na provincia de Ourense”, e resaltaba a importancia de apostar “polo termalismo e por actividades que favorezan a desestacionalización da oferta turística”, citando como exemplo a estación de montaña de Cabeza de Manzaneda. Neste encontro contouse tamén coa presenza do xerente do Inorde, José Manuel Rodríguez.

Acto inaugural destas xornadas.
Acto inaugural destas xornadas.

A xornada foi immpartida polas representantes de Sociedade Estatal para a Xestión da Innovación e as Tecnoloxías Turísticas (SEGITTUR), Eva Benito e Patricia Zapardiel, xerente comercial e directora de proxectos desta sociedade, respectivamente.

Máis información na vindeira edición en papel do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close