CulturaCulturaÚltima hora

XXVII Semana Cultural de Seixalbo

A asociación de veciños San Breixo organiza un programa con charlas, andainas, proxeccións e guateque
Actividade cos nenos nunha edición anterior da Semana Cultural de Seixalbo.
Actividade cos nenos nunha edición anterior da Semana Cultural de Seixalbo.

Co lema “Eses anos pasados”, a asociación de veciños San Breixo de Seixalbo, organiza a XXVII Semana Cultural de Seixalbo coa colaboración da Concellería de Participación Cidadá do Concello de Ourense.

O programa que comezaba o 30 de agosto, inclúe un amplo abano de actividades que continuarán ata o vindeiro sábado, 6 de setembro.

A semana abríase o sábado coa inauguración e o primeiro Certame audiovisual e literario, organizado por cometadigital.com coa colaboración da Agrupación Cultural Agromadas e a Asociación de Veciños.

O domingo, tiña lugar unha excursión á Lira e fervenza do Ézaro, na que os participantes visitaron as Rías Altas: Muros e Lira, desfrutaron dun día na praia en Lira, e visitaron o mirador e a cascada do río Ézaro.

O luns 1 de setembro, na área recreativa da Infesta celebrouse unha festa de escuma, e hoxe día 2, celebrarase a IV Andaina Nocturna, con saída ás 22:30h. dende o local central, na rúa Abelardo Arce, para percorrer Seixalbo. Mañá, mércores 3 de setembro, continuarán as actividades coa proxección do documental “Entre paradas”.

O xoves, día 4, terá lugar a charla “Outra visión da inmigración”, por parte da asociación Juan Soñador, mentres que o venres día 5, haberá un guateque na Praza do Cabildo, dende as 23h. no que se recreará o ambiente dos anos 70.

O programa de actividades rematará o sábado día 6 desetembro coa cea do socio, que terá lugar a partires das 21:30h. no Campo da Infesta.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close