Media ducia de folións percorrían a vila na mañá do Martes de Entroido
O tempo non acompañaba neste Martes de Entroido en Manzaneda. Pero a auga non puido coa festa e as rúas da vila eran tomadas polos fulións a partires do mediodía.
Tras a petición de permiso para poder tocar e a súa concesión, en verso, comezaban a soar os toques de media ducia de folións. Tres deles eran de Manzaneda (os da Parroquia de Cesuris, San Martiño e Mourela p’acá), os dos Labregos, A Caniceira e as Maceiras e o da Asociación Xuntos polo Folión de Vilariño de Conso.
A continuación, servíase no pavillón polideportivo un xantar popular ao que asistían unhas 1.100 persoas cun menú a base de empanadas, chourizos e carne ao caldeiro, acompañado por viño tinto e, como sobremesa, bica de Manzaneda.
Fotos: Ángeles Rodríguez
